Saturday, January 13, 2018

Arena of Valor: Game Famozu Ho Tipu MOBA


Arena of Valor (AoV) nudar game online ho tipu Multi-player Online Battle Area (MOBA) no bele halimar hamutuk 5 kontra 5. Iha game ne'e ita tenki luta ho kolegas para defende tore husi hero inimigu no ita mos tenki ataka baze inimigu to'o hetan vitoria. Arena of Valor dezenvolvidu no publikadu husi kompania teknolojia Tencent Games. Atualmente Arena of Valor nudar game popular no famozu tebes iha rejiaun Asia no Europa. Game ne'e disponivel ho naran barak no diferente iha kada rejiaun, ezemplu hanesan iha Europa kunyesidu ho naran Strike of Kings, iha Tailandia (Realm of Valor), Vietnam (Lien Quan), Xina (Honor of Kings), Taiwan (Legendary Showdown), Coreia do Soul (Penta Storm) no iha Indonesia kunyesidu ho naran Mobile Arena. Hafoin iha fulan Agustu tinan 2017 ofisialmente sira troka ho naran Arena of Valor.


Iha fulan Julu 2017, Tencent Games deklara katak disponivel milaun 200 resin utilizador rejistradu nudar jogadores ativu. No game Arena of Valor rejistradu nudar aplikasaun game mak rentavel iha mundu. Karik hakarak kria account AoV, ita bele rejistu utiliza account Garena ou bele mos utiliza account Facebook deit.


Bodik-ba nasaun Timor-Leste atualmente ita bele ona halimar game Arena of Valor ho diak, mesmu seidauk disponivel ofisialmente, maibe ita bele download no halimar utiliza servidor AoV husi nasaun indonesia. No wainhira Autores teste hala'o game AoV utiliza internet 3G husi operadora TELKOMCEL, automatikamente konekta direta ba servidor AoV Indonesia.


Nudar informasaun adisional, kompania TELKOMCEL hamutuk ho Fundasaun Dezenvolvimento Software Livre (FDSL) mos realiza ona eventu "Kompetisaun Game Telemovel Arena of Valor" iha fulan Setembru tinan 2017 nudar parte ida husi selebrasaun tinan 5 kompania operadora telekomunikasaun TELKOMCEL iha Timor-Leste. Signifika game AoV famozu ona iha komunidade gamers Timor-Leste tamba barak mak hatene ona halimar game Arena of Valor.

TELKOMCEL & FDSL Hamutuk Ho Vensedor Kompetisaun Game Arena of Valor
Game AoV bele ita halimar gratuita iha telemovel ho sistema operasaun Android no iOS (Iphone ou Ipad). Rekizitus prinsipal kuandu hakarak halimar game AoV iha Smartphone maka RAM tenki minimu 1 GB.

Informasaun kompletu konaba Arena of Valor bele ita-boot hare'e atraves website Arena of Valor no Facebook Arena of Valor.

Karik hakarak download game Arena of Valor gratuitamente bele atraves link iha kraik ne'e.

Fahe artiklu ne'e
  • Fahe ba Facebook
  • Fahe ba Twitter
  • Fahe ba Google+
  • Fahe ba Stumble Upon
  • Fahe ba Evernote
  • Fahe ba Blogger
  • Fahe ba Email
  • Fahe ba Yahoo Messenger
  • Seluktan...

5 Komentariu:

  1. Parabens ba TCEL no FDSL nebe realiza ona kompetisaun game Arena of Valor.

    ReplyDelete
  2. Parabens ba manan nain sira.

    Parabens ba FDSL no Telkomcel.

    ReplyDelete
  3. Susesu nafatin ba FDSL

    Bravo elovia.biz

    ReplyDelete