Friday, December 29, 2017

Provedores Web Hosting Konfiavel Iha Timor-Leste


Atualmente dezenvolvimentu teknolojia internet espesialmente weblog iha Timor-Leste altamente avansadu. Governo, kompania, organizasaun, pesoal ou individu komesa utiliza website / blog nudar media informasaun iha mundu internet. Utilizasaun weblog refere ne'e la husik husi papel provedores hosting mak oferese atendementu domain ou web hosting nudar fatin mak bele akomoda nesesidade tomak iha mundu digital.

Hosting nudar ida husi komponentes prinsipal kuandu kria website ou blog no hakarak publika iha mundu Internet. Hosting fornese konveniensia tamba disponivel variu funsaun mak nesesariu bodik-ba jerensiamentu website / blog.

Barak provedores hosting oferese pakote hosting ho kualidade, velosidade, estabilidade, seguransa, espasu disku, no seluk-seluktan ho presu asesivel. Sira hakarak responde nesesidades web hosting husi webmaster no blogger ho nivel uzabilidade hanesan personal blog, website notisias, website komunidade, website negosiu online, no seluktan.

Lakohi lakon ho provedores hosting husi nasaun liur, iha Timor-Leste mos ezisti ona kompania lokal nudar provedores hosting mak akreditavel ho tarjetu merkadu domestikamente. Varius tipu hosting mak sira oferta hanesan Shared Hosting, VPS Hosting, SSD Hosting, Cloud Hosting, to'o Dedicated Server. Mesmu la barak hanesan nasaun seluk, maibe ho ezistensia provedores hosting lokal hirak ne'e, sira kompete para bele fornese atendementu hosting mak esperadu,  no mos bele ajuda no fasilita nesesidade hosting bodik-ba kliente iha Timor-Leste.

Tuir mai rezumu konaba provedores hosting konfiavel mak ezisti iha Timor-Leste.

1. TIMOR HOSTING
Kompania SANRESMULTICOM atraves unidade negosiu ho naran Timor Hosting nudar provedores hosting mak kleur ona ezisti iha Timor-Leste desde tinan 2009. Timor Hosting sempre oferese pakote web hosting ho presu baratu no asesivel. Presu web hosting mak oferesidu hahu husi presu $25 no validu tinan ida, ho loron 30 garantia osan fila karik kliente la satisfeitu ho pakote hosting refere. Timor Hosting mos bele atende rejistrasaun domain .TL (Country Code Top Level Domain / ccTLD) ho presu $75 (validu tinan ida). Mai ho konseitu 'One Way Online Solution',  Timor Hosting sempre mantein relasionamentu ho klientes utiliza metodu online, ho nune'e bele responde nesesidade kliente ho lais no fasil kualker tempu.
Naran Kompania  : Timor Hosting
Fundador        : Natalio Raimundo Soares
Ofisial Website : http://www.timorhosting.com

2. KALOHAN HOSTING
Kalohan Hosting estabelesidu iha tinan 2014, iha sub jestaun kompania Chez Arsxie, Unipessoal LDA, nudar kompania provedores hosting mak oferese pakote web hosting ho presu hahu husi $1.5 kada fulan. Ne'e opsaun mak adekuadu tebes bodik-ba se'e deit mak hakarak aluga pakote web hosting ho folin asesivel maibe ho kualidade diak. Alende oferese pakote web hosting ho tipu Shared Hosting, kompania ne'e mos fornese pakote hosting seluk hanesan ShoutCast Hosting no Decicated Hosting. Suportadu ho ekipa tekniku mak solidu, sira pronto fornese apoiu tekniku atraves telefone, email no chat online. Atualmente Kalohan Hosting suporta ona metodu pagamantu online utiliza PayPal.
Naran Kompania  : Chez Arsxie
Fundador        : Armindo de Jesus
Ofisial Website : http://www.kalohan.net

3. LIKISA HOST
Nudar kompania foun iha mundu negosiu web hosting, prezensa Likisa Host fornese opsaun pakote mak la lakon ho provedores hosting seluk. Pakote web hosting mak oferesidu hanesan Basic, Professional, Business no Enterprise Hosting bele obtidu ho folin baratu. Mesmu foin estabelesidu iha tinan 2016, barak ona pesoal, organizasaun no instituisaun governo utiliza atendementu web hosting husi Likisa Host. Kompania ne'e mos fornese garantia 75% osan fila karik kliente la satisfeitu ho pakote hosting mak utilizadu. Ho osan montante $24.99 ita bele ona aluga pakote Basic Hosting (validu tinan ida), no sistema pagamentu bele utiliza opsaun PayPal. Labele tauk ho kestaun tekniku tamba ekipa Likisa Host prontu ajuda kliente karik nesesariu.
Naran Kompania  : LikisaHost
Fundador        : Nina Oktaviani
Ofisial Website : https://www.likisahost.net
To'o ne'e deit informasaun konaba "Provedores Web Hosting Konfiavel Iha Timor-Leste", espera bele utilizadu nudar referensia. Karik hakarak hatene informasaun klean liu konaba provedores hirak ne'e, favor asesu deit ba website ofisial husi kada kompania provedores hosting refere.

Obrigadu!

Fahe artiklu ne'e
  • Fahe ba Facebook
  • Fahe ba Twitter
  • Fahe ba Google+
  • Fahe ba Stumble Upon
  • Fahe ba Evernote
  • Fahe ba Blogger
  • Fahe ba Email
  • Fahe ba Yahoo Messenger
  • Seluktan...

9 Komentariu:

  1. Artigu nebe'e furak...licensa hatutan lai.
    obrigado

    ReplyDelete
  2. Obrigado wain ba review ne'ebé Elovia.biz halo mai ami nia Web Hosting no Registu Domain Kalohan.net
    Ami profesional Timor oan ne'ebé prontu atu fo atendimentu iha area Web Design, Web Hosting, no Registu Domain.
    Ami nia agredesimentu ba review ne'e, nune'e kliente ne'ebé mak order kualker pakote hosting ho Kalohan.net iha https://members.kalohan.net/ bele uza promo code: elovia.net no ita bot sira sei hetan 10% diskontu ba registrasaun hosting foun no aplikavel ba renova.

    ReplyDelete
    Replies
    1. Obrigado barak ba kalohan hosting mak fornese ona diskontu bo'ot utiliza kodigu elovia.net

      Bravo...

      Delete
  3. Obrigado ba review, Timor Hosting oras nee dadauk iha hela prosesu reorganiza an, ami redesign hela ami nian pajina atu hodi bele fasilita diak liu-tan informasaun ba kliente/kosumidores no parseiru sira. Ksolok Natal nian ba elovia.biz

    ReplyDelete
    Replies
    1. Obrigado mos ba vizita admin TimorHosting..wow furak..ami hein nia lansamentu pajina foun ne'e.

      Bravo

      Delete
  4. Referensia diak tebes. obrigado maun eligio

    ReplyDelete
    Replies
    1. Obrigado mana idalia..keta baruk vizita elovia.biz :)

      Delete