Monday, May 8, 2017

Rezumu Konaba Skrill (MoneyBookers)


Introdusaun Skrill
Skrill nudar ida husi variu kompania Payment Processor mak altamente famozu no konfiavel iha mundu. Inisialmente Skrill utiliza naran MoneyBookers Limited. Kompania ne'e hari'i iha fulan Julu tinan 2001 iha London, Inglatera. Fulan Abril tinan 2002 kompania MoneyBookers Limited ofisialmente lansa website www.moneybookers.com no sistema pagamentu online. Depois tama fulan 18, kuaze milaun 2 utilizador rejistu iha Moneybookers.

Tinan 2007, Investcorp Technology Partners kompra kompania Moneybookers Limited ho presu Euro 105 milaun no depois kompra Moneybookers Limited, kliente mak rejistradu sa'e ba total milaun 6. Iha tinan 2009, Mobeybookers lansa kartaun MasterCard® Pre-Pagu (Pre-Paid) rasik.

Tinan 2010, Moneybooker desidi troka naran ba Skrill. Agora Skrill penetra ona milaun 20 kliente ho rihun 100 resin komersiante utiliza Skrill nudar opsaun pagamentu. Prosesu mudansa marka inklui plataforma husi Moneybookers ba Skrill ne'e remata iha tinan 2013.

Tinan 2013, Skrill mos kompra kompania PaySafeCard, nudar provedor pagamentu kondusente iha Europa. Atualmente kompania Skrill reivindikasaun ona katak disponivel milaun 36 resin utilizador rejistradu iha mundu tomak mak hala'o atividades transaksaun tantu manda no mos simu osan ho liu husi 40 moeda iha 200+ nasaun, ho rihun 156 komersiante mak utiliza solusaun pagamentu husi Skrill nudar Payment Processor konfiavel.

Ate agora, Skrill nudar solusaun pagamentu online mak altamente popular espesialmente iha mundu jogus online hanesan koretor (broker) forex, online game, online betting, poker, no seluk-seluktan. Alende ne'e mos, barak sitiu online famozu mak simu pagamentu utiliza Skrill ezemplu hanesan Facebook, Dell Computer, eBay, Kinect Xbox, Skype, Nike Store.



Benefisiu Skrill
Benefesiu importante mak oferesidu husi Skrill hanesan tuir mai ne'e:

  • Skrill nudar karteira digital mak bele ita ense saldo ho variu metodu ou maneira, ezemplu ita bele ense saldo Skrill utiliza kartaun kreditu ou wire transfer husi banku lokal.

  • Kuandu saldo disponivel iha account Skrill signifika ita bele utiliza ona saldo refere bodik ba transaksaun online. Saldo Skrill hanesan mos ou igual ho osan fiziku.

  • Nudar karteira digital / elektroniku, osan mak disponivel iha account Skrill bele utilizadu iha loja online ou merchant mak simu transaksaun utiliza Skrill. Funsaun Skrill similariu ho kartaun debitu no kreditu, ne'ebe nia tipu maka PREPAID (Pre-Pagu).

  • Skrill oferese mos kartaun debitu MasterCard® pre-pagu mak bele ita utiliza para dada osan iha variu makina ATM nasaun ne'ebe deit, durante makina ATM refere monta ona imajen logo MasterCard®.


Vantajen Skrill
  • Rejistrasaun gratuita bodik ba utilizasaun pesoal, maibe ho rekizitu tenki login ou transaksaun pelumenus kada tinan ida

  • Prosesu verfikasaun account Skrill FASIL tebes, somente utiliza kartaun Eleitoral / BI / Pasaporte deit.

  • Fasil no instante, manda no simu osan ho Skrill.

  • Bele transferensia osan internasionalmente ba liu husi 200+ nasaun, inklui Timor-Leste.

  • Bele utilizadu para kompras online.

  • Kartaun debitu Skrill bele utilizadu para dada osan iha ATM ne'ebe deit mak suporta MasterCard.

  • Kartaun debitu Skrill bele utilizadu para transaksaun kompras iha ne'ebe deit durante disponivel rede MasterCard.

  • Suporta variu moeda.

  • Bele deposit osan ba Skrill atraves banku Mandiri, BNU, BNCTL, ANZ no seluktan.
Desvantajen Skrill
  • Wainhira rejistu, ita somente bele hili moeda ida deit no labele alteradu kuandu rejistradu ona nudar utilizador Skrill.

  • Skrill la hakruk ba regulamentus bankaria, ho nune'e sem presija aprovasaun no konfirmasaun husi ita lai wainhira Skrill hakarak taka ita nian account karik ita la tuir prosedimentu transaksaun.


Kustu / Fee Skrill
Tuir mai variu kustu-kustu / fee transaksaun kuandu utiliza Skrill :

  • Rejistrasaun - Gratuita

  • Ense saldo Skrill atraves transferensia Banku - Gratuita

  • Ense saldo Skrill atraves kartaun kreditu ou debitu - 1.9%

  • Manda osan ba utilizador Skrill seluk - 1%

  • Simu osan - Gratuita

  • Retira osan husi account Skrill ba rekening Banku - € 5.50

  • Notas:
    Informasaun kompletu konaba kustu / fee transaksaun Skrill bele hare'e iha link ne'e: https://www.skrill.com/en/fees/
Kestaun Seguransa
Nudar ida husi prosesadores pagamentu online mak famozu iha mundu, kestaun seguransa nudar prioridade prinsipal mak seriu tebes aplikadu ba sistema Skrill. Informasaun login, informasaun pesoal no transaksaun finanseiru protejidu ho teknolojia seguransa Secure Socket Layer (SSL), no sertifika husi VeriSign.

Alende ne'e mos, Skrill emprega ekipa bo'ot konsisti husi peritus mak altamente treinadu iha area Anti-Fraud. Ekipa refere konstantemente monitorizasaun transaksaun tomak ho utiliza ekipamentus no teknolojia modernu. Karik akontese transaksaun mak deskonfiadu, ekipa refere imediatamente analiza profundamente no sei foti asaun bazeadu ho regras Skrill.

Konklusaun
Bele dehan Skrill nudar Payment Processor mak oferese benefisiu no vantajen barak tebes. Alende ne'e mos, kustu ou fee transaksaun mak aplikadu ki'ik no asesivel. Vantajen seluk mak importante tebes maka bele withdraw / retira saldo husi account Skrill ba rekening banku iha Timor-Leste.
Karik hakarak disfruta atividade transaksaun online ho fasil utiliza Skrill, rekizitu prinsipal tenki kria uluk account Skrill.


Nudar referensia, bele mos le'e artiklu konaba Maneira Rejistu Account Skrill (MoneyBookers) mak postadu ona iha weblog ne'e.

Obgridadu!

Fahe artiklu ne'e
  • Fahe ba Facebook
  • Fahe ba Twitter
  • Fahe ba Google+
  • Fahe ba Stumble Upon
  • Fahe ba Evernote
  • Fahe ba Blogger
  • Fahe ba Email
  • Fahe ba Yahoo Messenger
  • Seluktan...

7 Komentariu:

  1. Tutorial nebe kapas tebes! leitores sira bele registu payoneer iha link ne'e: http://bit.ly/2rowp5x
    obrigado ba elovia.biz

    ReplyDelete
  2. Admiring the commitment you put into your site and detailed information you provide. It's nice to come across a blog every once in a while that isn't the same out of date rehashed material. Fantastic read! I've saved your site and I'm including your RSS feeds to my Google account. suntrust login

    ReplyDelete
  3. We stumbled over here coming from a different web address and thought I might as well check things out. I like what I see so now i am following you. Look forward to looking into your web page again. itunes login

    ReplyDelete