Tuesday, May 16, 2017

Oinsa Ense Saldo Payoneer?

Depois simu no ativasaun kartaun debitu Payoneer, barak husi utilizador kartaun Payoneer Prepaid Debit MasterCard® mak husu pergunta ba Autores, "Oinsa hakarak ense ou deposit osan ba account Payoneer?".

Efetivamente disponivel maneira barak para ense saldo Payoneer, maibe iha artiklu ne'e Autores sei esplika deit konaba diversu maneira mak normalmente uilizadu para ense saldo ou deposit osan ba account Payoneer.

1. Ense Saldo Payoneer Ho Kartaun Kreditu (Credit Card)
Ita bele ense saldo Payoneer utiliza kartaun kreditu tantu Visa no mos MasterCard®. Kuandu utiliza Kartaun Kreditu nudar fontes finansiamentu para ense account Payoneer, prosesu karegamentu saldo la diretamente tama, maibe sei revizadu uluk husi ekipa Payoneer no depois sira foin determina Kartaun Kreditu refere elegivel ou merese utilizadu para ense saldo Payoneer ou lae. Kartaun Kreditu tenki validu no periodu utilizasaun seidauk expira, alende ne'e mos Kartaun Kreditu refere bele utilizadu para transaksaun online, tamba diversu banku lokal limita funsaun transaksaun online.

Durasaun tempo resebimentu saldo tama ba account Payoneer bele loron 2 - 4, as vezes bele tama lais (la liu husi oras rua). Depois ense saldo, ita bele ona utiliza kartaun debitu MasterCard® para transaksaun.

Notas:
Infelismente ate agora banku hotu iha Timor-Leste seidauk oferese ou fornese atendementu Kartaun Kreditu ba kliente. Maibe ita bele husu ajuda ba familia ou kolega iha estranjeiru mak uza ona Kartaun Kreditu para bele ense saldo Payoneer husi link ne'e: https://paynow.payoneer.com



2. Rekomenda Kolega Para Kria Account Payoneer
Maneira daruak para ense saldo Payoneer maka rekomenda kolega, familia ou se'e deit para kria account Payoneer. Kuandu login ba dashboard account Payoneer, ita sei hare'e imajen ki'ik iha liman los ho liafuan "EARN $25". Partilia link referensia refere atraves media sosial, hanesan Facebook, Twitter, Google+, no bele mos atraves blog ou website.

Karik kolega, familia ou se'e deit mak rejistu ba Payoneer atraves link referensia refere, ita sei hetan $25 husi Payoneer, no ema mak rejistu mos sei hetan $25.
Notas:
$25 la direta tama ba account Payoneer wainhira kolega, familia ou se'e deit mak rejistu ona account Payoneer atraves link referensia mak ita fahe, maibe disponivel kriteria ida mak tenki kumpridu, account Payoneer mak ita rekomenda refere ense ona ou deposit saldo Payoneer to'o $100. Karik kondisaun refere kumpridu, Payoneer sei manda $25 ba ita no mos ba account Payoneer mak ita rekomenda ona.



3. Ense Saldo Payoneer Husi Global Payment Service
Ida husi atendementu mak oferesidu husi Payoneer maka Global Payment Service, iha ne'ebe ita bele simu pagamentus diretamente husi kompania ou industria mak lokalizadu iha nasaun Estadu Unidus, Uniaun Europeia, Reinu Unidu, Japaun no Xina. Bele dehan Global Payment Service mos hanesan ita nian rekening banku lokal rasik mesmu ita la'os sidadaun husi nasaun mak mensionadu ona iha leten. Ho nune'e wainhira iha kompania ou industria ezemplu iha nasaun Amerikanu ou Inglatera hakarak hala'o transaksaun pagamentu, ita somente fornese deit numeru Account no numeru Routing mak disponivel iha dashboard account Payoneer.


4. Nudar Freelancer & Afiliadu Komersiante Online


Fasilidade Global Payment Service ne'e mos benefisiu tebes bodik ba ita mak hala'o atividades online nudar Afiliadu Komersiante (Affiliate Marketer) no Freelancer, tamba komersiante negosiu online (Merchant) mos utiliza metodu pagamentus atraves Global Payment Service ne'e. Atualmente Payoneer kopera ona ho variu kompania komersiante online hanesan UPWork, 99Designs, Fiverr, Elance, Amazon, Lazada, Rakuten no seluk-seluktan. Ho nune'e ita bele rejistu aan nudar Freelance ou Afialiadu Komersiante para bele hetan osan no simu pagamentus diretamente ba account Payoneer.

Fahe artiklu ne'e
  • Fahe ba Facebook
  • Fahe ba Twitter
  • Fahe ba Google+
  • Fahe ba Stumble Upon
  • Fahe ba Evernote
  • Fahe ba Blogger
  • Fahe ba Email
  • Fahe ba Yahoo Messenger
  • Seluktan...

8 Komentariu:

  1. Tutorial nebe kapas tebes! leitores sira bele registu payoneer iha link ne'e: http://bit.ly/2rowp5x
    obrigado ba elovia.biz

    ReplyDelete
    Replies
    1. Obrigado mos ba Likisa Hosting mak vizita ona blog ne'e

      Delete
  2. Payoneer vale duni ba liurai feto sira nebe gosta shopping
    hahaha saudesemanal.blogspot.com

    ReplyDelete
    Replies
    1. hehehe..nia fasilidade kompras iha ne'ebe deit ne'e mak halo ema barak gosta uza :)

      Delete
  3. Hafasil tebes halo pagamentu online

    ReplyDelete