Friday, March 3, 2017

Maneira Rejistu Account Payoneer


Iha artiklu anterior Autores esplika ona konaba "Benefisiu Kartaun Debitu Payoneer", oportunidade ne'e Autores sei diskuti oinsa maneira kria account Payoneer ho detailu. Antes komesa rejistu, tenki prepara uluk rekizitus hanesan tuir mai:
  • Kartaun Eleitoral, BI ou Pasaporte 
  • Email validu
  • Enderesu mak klaru no kompletu, tamba Payoneer sei manda Kartaun Payoneer Prepaid Debit MasterCard® ba enderesu refere.
Tuir mai maneira rejistu account Payoneer:

1. Asesu Ba Website Payoneer
  • Loke website Payoneer iha enderesu ne'e: http://www.payoneer.com utiliza aplikasaun browser hanesan Mozilla Firefox ou Google Chrome.
  • Depois mosu pajina website Payoneer, klik ba butaun "Sign Up & Earn $25*" hanesan ezemplu imajen kraik ne'e.

2. Prense Informasaun Privadu
Ense informasaun pesoal apropriadu ho kartaun Eleitoral, BI ou Pasaporte, ne'e importante tebes tamba relasionadu ho informasaun account ou rekening iha Payoneer. Alende ne'e mos, enderesu Email tenki validu no ativu.



3. Prense Informasaun Kontaktu
Ense informasaun kontaktu husi nasaun ne'ebe, enderesu uma, kodigu postal, no keta haluha mos ense numeru telemovel mak ativu.



4. Prense Informasaun Seguransa
Hatama password apropriadu ho nesesidade, ita livre determina password rasik. Hili opsaun "Security Question" no desidi pergunta mak ita sinti diak no seguru, depois keta haluha digitandu resposta iha "Security Answer".


5. Konfirmasaun Identidade & Enderesu
Pasu ikus tenki deside numeru kartaun identidade mak sei utilizadu bodik ba verifikasaun kartaun Payoneer. Ita bele utiliza numeru kartaun Eleitoral, BI, Pasaporte ou bele mos numeru kartaun Kondusaun. Karik hakarak Payoneer manda kartaun Debitu MasterCard International ba enderesu seluk, ita bele marka opsaun "Enter alternate shipping address" no depois prense enderesu foun. Kontinua ho marka hotu kaixa aprovasaun, depois klik ba butaun "ORDER".


Notas:
Esperensia husi Autores, karik utiliza enderesu husi instituisaun Governo ou Edukasaun, Correios Timor-Leste sei enviadu diretamente ba instituisaun refere wainhira kartaun Payoneer to'o ona iha Correios. Karik utiliza enderesu uma, ita tenki ba foti rasik iha edifisiu Correios, Caicoli, Dili


6. Prosesu Review Account Payoneer
Kuandu ita klik ba butaun "ORDER", sei mosu pajina konfirmasaun hanesan imajen iha kraik, ne'e signifika prosesu rejistrasaun tama ona ba prosesu rever ou review. Iha etapa ne'e ita tenki hein loron ida ou rua, bele mos la liu husi Oras 24 ate Payoneer konfirma fali ba ita liu husi email katak prosesu rejistrasaun aprovadu ou la aprovadu.


7. Account Payoneer Aprovadu
Depois prosesu rever husi Payoneer kompleta no aprovadu, ita sei simu notifikasaun iha email katak Kartaun Payoneer Prepaid Debit MasterCard® enviadu ona, no mos informasaun konaba estimasaun tempo kartaun refere to'o iha ita Timor-Leste (hare'e ezemplu imajen iha kraik ne'e).



8. Login ba Account Payoneer
Kontinua login ba account Payoneer ho maneira klik ba butaun "Log into Account" iha notifikasaun email refere ou bele mos asesu ba enderesu https://myaccount.payoneer.com, depois pajina login mosu, hatama username ho password account Payoneer no klik butaun "Login".

9. Atualiza Informasaun Seguransa
Kuandu ita susesu login tama ba account Payoneer, dahuluk ita tenki atualiza informasaun adisional konaba seguransa account Payoneer. Hili opsaun "Select a security question" no deside pergunta mak ita sinti diak no seguru, depois resposta iha "Security Answer"



10. Tama Ba Dasboard Account Payoneer
Depois atualiza informasaun adisional konaba seguransa, pajina prinsipal sistema dashboard Payoneer sei mosu hanesan ezemplu imajen tuir mai. Iha etapa ne'e ita susesu ona rejistradu nudar membru account Payoneer. Agora ita somente hein to'o Kartaun fiziku Payoneer Prepaid Debit MasterCard® ita simu ona no foin bele kontinua ba etapa ativasaun kartaun refere.


Karik hakarak hatene estimasaun tempo bainhira kartaun debitu Payoneer to'o, klik deit iha area "View your status and activate your card" no sei mosu informasi hanesan ezemplu imajen tuir mai.


11. Maneira Ativasaun Kartaun Payoneer
Wainhira Kartaun fiziku Payoneer Prepaid Debit MasterCard® to'o, ita tenki no obrigatoriu ativa kartaun refere ho maneira tama ba dashboard account Payoneer, depois klik deit ba butaun "Activate".


Ense 16 digitus numeru kartaun debitu Payoneer mak estampadu iha parte oin kartaun fiziku. Kontinua ho kria 4 digitus Personal Identification Number (PIN) foun iha "Select 2 4-digit PIN" no konfirma fali PIN refere iha "Confirm you PIN" (PIN tenki igual). Fo marka ativu iha opsaun "I agree to the Cookies Policy*" depois ikus klik butaun "Activate".


Notas:
PIN nudar numeru konfidensial no keta fo hatene ba se'e deit, tamba wainhira ita hakarak dada osan ou atividades transaksaun saida deit iha makina ATM ne'ebe deit mak suporta MasterCard, ita tenki hatama uluk PIN iha sistema ATM refere.


Kuandu terminadu ona hatama numeru kartaun debitu Payoneer, kria PIN foun, no klik ba butaun "Activate", sei mosu notifikasaun hanesan imajen tuir mai no ne'e signifika ita susesu ona ativa Payoneer Prepaid Debit MasterCard®.

Depois ativasaun kartaun debitu Payoneer,  atualmente ita bele ona utiliza kartaun refere bainhira deit no iha ne'ebe deit, maibe keta haluha tenki ense uluk osan ba account Payoneer. Maneira oinsa ense saldo ou deposit osan ba account Payoneer bele le'e iha artiklu ne'e "Maneira Ense Saldo Payoneer".

To'o ne'e deit mata-dalan konaba Maneira Rejistu Account Payoneer husi Autores.

Boa sorte!

Fahe artiklu ne'e
  • Fahe ba Facebook
  • Fahe ba Twitter
  • Fahe ba Google+
  • Fahe ba Stumble Upon
  • Fahe ba Evernote
  • Fahe ba Blogger
  • Fahe ba Email
  • Fahe ba Yahoo Messenger
  • Seluktan...

4 Komentariu:

  1. obrigado ba artiklu nee, tamba fo dalan ona ba ami nebe mak hakarak iha kartaun mastercard

    ReplyDelete
  2. This comment has been removed by the author.

    ReplyDelete
  3. Registu SKRILL mak labele k ou Payoneer mak labele?

    ReplyDelete