Tuesday, May 1, 2018

Kompetisaun Fotografia "Night Market" Timor Plaza


Night Market nudar eventu rutina kada tinan mak realizadu husi Timor Plaza. Eventu ne'e nudar atividades bazar kalan bodik-ba se'e deit mak hakarak prense entretenimentu kalan ho hamnasa no mos habosu kabun ho aihan. Barak tebes stand husi loja aihan, loja telemovel, loja ropa, loja bebidas, stand komunidades arte no kultura, no seluk-seluktan mak harame eventu refere. Alende desfruta aihan no bebidas, ita mos bele haksolok hamutuk ho familia, kolega ou doben ho asisti varias atividades seluk hanesan banda muzika toka, dansa kultura, kompetisaun dansa modernu, stand up comedy, no seluk-seluktan. Atividades ne'e realizadu kada loron Kinta, hahu husi oras 15:00 OTL to'o 22:00 OTL.

Para harame liutan eventu refere, Timor Plaza serbisu hamutuk ho elovia.biz realiza kompetisaun fotografia "Night Market" ba daruak. Ne'e oportunidade mak diak tebes bodik-ba fotografu Timor-Leste iha ne’ebe deit bele mai rejistu, tamba kompetisaun ne'e nakloke ba publiku. Vensedor iha kompetisaun refere sei hetan premiu furak husi Timor Plaza.

Formulariu rejistrasaun no informasaun konaba kompetisaun bele download iha link kraik ne'e:

DOWNLOAD

Sunday, April 1, 2018

Benefisiu Importante Website Bodik-Ba Mundu Negosiu


Agora ne'e internet altamente popular no utilizadu ona parsialmente bo'ot ema iha mundu. Internet mos fornese konveniensia bodik-ba se'e deit mak hakarak asesu ba informasaun no komunikasaun sem limitasaun area no tempu. Ho konveniensia mak oferesidu internet refere, bodik-ba Ita-Boot mak hala'o atividade negosiu tantu negosiu privadu ou negosiu grupu, utilizasaun internet nudar media informasaun negosiu altamente importante tebes tamba bele ajuda promove no publika perfil negosiu inklui atendementu, sasan / produtu negosiu no seluktan atraves mundu internet.

Entantu, karik hakarak Ita-boot nia website susesu no bele sai nudar reprezentasaun negosiu iha mundu internet, website refere ne'e mos tenki jerensiadu ho los, hahu husi objetivu mak klaru, tarjetu audensia mak sertu, informasaun no mos atendementu saida deit mak orsida publikadu, to'o ba kestaun tekniku hahu husi eskolia naran domain no enderesu website, kolokasaun servidor, kria pajina website no jestaun kontidu website refere wainhira online ona.


Aspeitu barak mak tenki konsideradu wainhira konstrui no mos jerensiamentu website bodik-ba negosiu. Variu vantajen mak obtidu wainhira kria website negosiu maka :

  • Mesmu internet kunyesidu ona iha mundu inklui nasaun Timor-Leste, entantu barak kompania sasan ou atendementu mak seidauk utiliza website nudar media informasaun negosiu. Karik kompania refere integra website ezemplu nudar stratejia marketing online, signifika kompania refere pasu ida ona iha oin kompetidores mak seidauk utiliza website nudar ida husi estratejia negosiu kompania.

  • Wainhira utiliza website para apoiu estratejia negosiu online, bele mos implementa metodu transaksaun online. Mesmu iha nasaun Timor-Leste metodu transaksaun online parsialmente bo'ot ema seidauk hatene no utiliza komparadu ho nasaun seluk, wainhira desidi apoiu sistema transaksaun online iha website, nivel konfiansa kliente mos aumenta diak no sertamente hafasil prosesu transaksaun negosiu ho lais iha ne'ebe deit no bainhira deit.

  • Atraves website mos bele fornese atualizasaun informasaun bodik-ba klientes. Tantu informasaun konaba produtu ou informasaun konaba garantia sasan / produtu mak kompradu no seluk-seluktan.
Xavi prinsipal husi website mak susesu, wanhira informasaun mak ezisti iha website bele atrai vizitantes transforma nudar klientes.


Razaun & Benefisiu Importansia Website Bodik-Ba Negosiu

Talves barak ona ema mak hatene importansia website bodik-ba negosiu. Mesmu kompania utiliza ona metodu promosaun konvensional ezemplu hanesan imprimi brosura ou pamfletu, monta ona anunsiu ou publisidade iha fatin barak, entantu realidade kompania mos tenki presija website, tamba website ne'e altamente importente tebes bodik-ba apoiu prosesu negosiu mak ezisti.

Dadus husi Global Web Index deklara katak, montante husi konsumidor mak buka informasaun konaba marka produtu ho diretamente vizita ba website ofisial atinji 62 persentu. Enkuantu, somente 22 persentu konsumidor deit mak buka informasaun konaba marka produtu atraves media sosial. Ne'e signifika website konfiavel liu tamba bele dehan katak website nudar edisiu ofisial versaun digital no mos lubun husi informasaun tomak mak reprezenta edifisu fiziku tamba bele atrai ema para buka hatene konaba saida mak ita fa'an sem presija vizita ba edifisiu fiziku.

Tuir mai variu razaun mak obtidu wainhira utiliza website bodik-ba negosiu :

  • Branding
    Ita bele dejeinu website ho flexivel no fornese esperensia diferente bodik-ba vizitantes. Ita mos bele ho diretamente determina modelu negosiu no hamosu informasaun kompletu relasionadu marka produtu inklui benefisiu husi produtu refere. Esensialmente ida bele oferese esperensia brand (marka) ba konsumidores ho diretamente. Ho ezistensia website mos, konsumidores sei fo konfiansa liu no klaru sei akontese transaksaun.

  • Kontidu
    Website mak prensidu ho kontidu kapas no interesadu bele atrai atensaun husi vizitantes. Portantu, ita tenki kria kontidu mak interesante no mos fo oportunidade bodik-ba vizintantes para bele interaksaun diretamente.

  • Kontrola
    Ita bele kontrola sitiu, tantu kodigu, hosting to'o kuantidade pajina, no seluktan. Ita mos flexivel liu para hamos kontidu ou funsionalidades apropriadu ho nesesidades, sem presija tenki involve ema seluk.

  • Search Engine Optimization (SEO)
    Razaun seluk maka stratejia SEO. Ne'e altamente nesesariu karik hakarak rezultadu website mak optimu. Stratejia SEO mak diak bele ajuda brand ou marka sempre mosu iha pajina dahuluk iha search engine ezemplu Google, Bing, Yahoo ou seluktan.


Tuir mai ne'e mos benefisiu wainhira utiliza website bodik-ba negosiu :

  • Fatin Vendas Sasan / Produtu
    Ho website ita bele fa'an sasan ou produtu bele mos atendementu seluktan mak hakarak komersializadu iha internet. Funsaun website ne'e nudar instrumentu para introdus produtu iha mundu internet.

  • Hafasil Komunikasaun
    Ita bele komunika ho fasil no lais tantu ho klientes ou konsumidores. Tamba website modernu atualmente ekipadu ho variu funsaun komunikasaun mak permiti ita bele komunika ho se'e deit, iha ne'ebe deit, no bainhira deit.

  • Introdus Perfil Kompania
    Dalaruma kompania sertamente hakarak sira nian perfil kompania bele kunyesidu ema barak. Portantu, eskoila website nudar media publikasaun perfil kompania ou organizasaun bele dehan ida husi maneira promosaun mak altamente inovativu tebes.

  • Atrai kandidatu ou Konsumidor Potensial
    Website mos bele utilizadu nudar meius para atrai kandidatu konsumidor ou bele mos konsumidores potensial. La uituan kompania mak bele atrai kliente ou konsumidores husi area seluk ou estranjeiru atraves website mak ezisti. No hanesan mak ita hatene, kuantidade vizitante website ne'e la husi Timor-Leste deit, entantu husi estranjeiru mos. Ezemplu hanesan weblog elovia.biz ne'e mos dalaruma hetan vizita husi vizintantes estranjeiru.

  • Nudar Media Publikasaun Ofisial Kompania
    Atraves website, kompania bele publika informasaun ou anunsiu ofisialmente. Ezemplu kompania realiza programa loteria, informasaun konaba atividades refere bele publikadu atraves website ofisial kompania.

  • Hafasil Atualiza Informasaun
    Wainhira utiliza website iha kompania, ita bele ho fasil atualiza informasaun foun ba kandidatu konsumidor no mos konsumidor parmanente, ho nune'e sira bele hatene informasaun resentes husi kompania sem limitadu ho distansia no tempu.

  • Hafasil Observasaun / Survei Nesesidade
    Ho website mos bele fasilitadu ho funsaun observasaun ou survei nesesidade konsumidores ou kandidatu konsumidores atualmente. Ita mos bele kria polling ho fasil no interativu. Iha internet barak tebes kompania mak implementa ona funsaun polling, observasaun ou survei ne'e.

Husi vantajen, razaun, no benefisiu importante website bodik-ba mundu negosiu mak Autores esplika ona iha leten, esperadu informasaun ne'e bele ajuda Leitores tomak mak seidauk hatene funsaun no benefisiu website nudar media informasaun negosiu.

Obrigadu!

Artiklu ne'e resultadu koperasaun entre elovia.biz ho likisahost.net. Hetan diskontu adisional 5% karik kompra pakote hosting iha LikisaHost. Informasaun kompletu favor asesu ba https://www.likisahost.net/support.html

Wednesday, March 28, 2018

Dropship & Reseller Iha Mundu Negosiu Online


Tipu negosiu mak atualmente ema barak gosta no interesadu maka negosiu online. Husi observasaun elovia.biz, iha Timor-Leste mos komesa barak ona ema hala'o negosiu online ne'e, tantu individual, grupu ou kompania. Sira utiliza media internet ezemplu website / blog no sitiu rede sosial hanesan Facebook para promove no fa'an sira nian produtu.

Maibe wainhira koalia konaba negosiu online, ita mos tenki hatene katak iha mundu negosiu online mos disponivel variu konseitu sistema vendas (fa'an) mak sempre utilizadu. Rua husi variu konseitu sistema vendas refere maka sistema Dropship no Reseller. Sistema rua ne'e nudar tipu sistema vendas mak altamente fasil ezekutadu tantu perpetradores negosiu profesional ou sira mak foin aprende (inisiantes) iha mundu negosiu online.

Dalaruma ita mak foin konyese ou hatene negosiu online konfundi wainhira interpreta sistema dropship no reseller ne'e, mesmu termu rua refere somente diferente uituan deit karik interpretadu. Esensialmente buat rua refere similariu ho intensaun fa'an fila-fali produtu mak obtidu husi fornesedores ou distribuidores ba konsumidores. Para klaru liu bele le'e esplikasaun iha kraik ne'e :

Sistema Dropship
Sistema dropship maka ida husi sistema fa'an no sosa online mak ne'ebe wainhira hala'o negosiu ho sistema ne'e ita la presija fundus (modal), tamba ho sistema dropship ne'e, la fornese ou oferese stok sasan ou produtu fiziku, somente oferese informasaun fotografia ou seluktan bodik-ba konsumidor, karik konsumidor interesadu hakarak kompras, sasan sei enviadu diretamente husi fornesedores ou distribuidores. Ema mak hala'o negosiu ho sistema ne'e jeralmente temi ho naran Dropshipper.

Mosu perguntas, husi ne'ebe dropshipper bele hetan lukru? Mesmu la fornese stok produtu fiziku rasik, konsumidores mak kompras, sira sei seluk ba dropshipper uluk, tamba konsumidores la hatene informasaun fornesedores ou produtu na'in. Sertamente ho presu ou folin mak adisionadu ona para hetan lukru. Depois dropshipper simu osan husi konsumidores, pagamentu refere kontinuadu ba fornesedores ou produtu na'in ho folin mak akordadu ona.

Ho sistema dropship ita la presija fatin armazenamentu sasan ou produtu. No mos, la presija manda sasan ou produtu mak ita fa'an ba kompradores, tamba fornesedores mak responsavel iha prosesu entrega sasan refere. Papel dropshipper somente nudar sales ou marketing deit.


Husi esplikasaun iha leten sertamente bele dehan katak wainhira hala'o negosiu online ho sistema dropship relativamente fasil liu. Sistema ne'e mos la fornese impaktu ita perda ou tauk lakon osan karik ema la kompra sasan ou produtu.

Sistema Reseller
Diferente uituan ho sistema dropship, Reseller sempre prepara sasan ou produtu fiziku uluk lai antes fa'an fila-fali ba konsumidor. Stok sasan obtidu husi fornesedore ou fabrikante produtu, no reseller kompras ho kuantidade barak ho nune'e produtu refere bele obtidu ho presu baratu.

Sistema ne'e fasil para ezekutadu somente deit ita presija fundus nudar modal negosiu, maibe jeralmente sistema reseller barak liu hetan lukru komparadu ho sistema dropship, tamba fabrikante bele fornese ou oferese produtu ho presu mak baratu liu.


Wainhira hala'o negosiu online ho sistema reseller ne'e, alende bele fa'an diretamente produtu ba konsumidor, bele mos rekruta dropshipper mak bele ajuda fa'an produtu-produtu refere.
 
Oinsa? Bele ona komprende konaba diferensia entre Dropship ho Reseller?

Tuesday, February 20, 2018

Esplikasaun Simples Konaba Forex


Wainhira koalia konaba topiku negosiu forex talves barak mak seidauk hatene no komprende ho topiku refere. Forex jeralmente bele interpretadu nudar atividade fa'an ou sosa moeda estranjeiru.

Negosiu forex oferese potensia rendimentu mak rentavel no mos oras serbisu mak flexivel (serbisu kualker tempu) halo ema barak interesadu no involve iha atividades negosiu forex kada loron.

Bodik-ba Leitores mak hakarak hatene klean liutan konaba forex, iha artiklu ne'e Autores sei esplika konaba introdusaun no funsaun husi forex refere.

Konaba Forex
Termu forex maka kombinasaun husi palavra 2 lingua ingles "foreign" no "exchange". Foreign signifika "estranjeiru", enkuantu Exchange bele interpretadu nudar "troka", palavra "troka" iha kazu ne'e interpretadu nudar troka moeda. Kuandu palavra 2 refere kombinadu, forex ou foreign exchange bele interpretadu nudar atividade troka moeda estranjeiru. Bele mos atividade fa'an ou sosa moeda estranjeiru. Atividades fa'an no sosa refere involve moeda 2 husi nasaun diferente nudar objetu komersiu.

Ida husi ezemplu mak altamente fasil konaba negosiu forex maka Ita kompra moeda EURO (moeda Europeia) ho maneira fa'an Dollar (moeda Amerika), ou bele mos Ita troka Dollar ba Rupiah (moeda Indonesia).

Objetivu inisiu atividades fa'an no sosa moeda ne'e nudar meius pagamentus internasional (espesialmente eksporta no importa). Entantu, dalaruma akontese diferensia fornesimentu (supply) no demanda (demand) moeda iha merkadu globalmente, no ne'e sei afeita mos valor troka moeda ida ho moeda nasaun seluk bele sa'e ou bele mos tun.

Ezemplu: inisialmente valor troka Rupiah ba Dollar Amerika maka USD 1 = Rp. 10.000

Maibe, tamba diferensia demanda no disponibilidade moeda Dollar, valor troka bele tun hanesan 1 USD = Rp. 9500 ou mos bele sa'e 1 USD = Rp. 13.500

Ho diferensia valor troka moeda hanesan ezemplu iha leten, disponivel vantajen rendimentu mak bele optidu atraves transaksaun refere.

Funsaun Forex
Disponivel 3 funsaun prinsipal mak altamente influente bodik-ba perpetradores negosiu forex. Tuir mai 3 funsaun prinsipal forex refere:

#1. Dahuluk, Hafasil prosesu troka moeda. Jeralmente, atividades ekonomia kada loron presija fundus ho moeda husi nasaun seluk. Ne'e akontese tamba ezistensia nesesidade husi komunidade, ezemplu.
  • Bodik-ba nesesidade feriadu ba nasaun liur
  • Kompras sasan husi nasaun liur
  • Atividades negosiu
  • Selu eskola iha nasaun liur
  • no seluktan
Transaksaun troka moeda refere bele atraves sistema mak hanaran Clearing. Ida husi ezemplu atendementu refere maka troka moeda estranjeiru mak normalmente ita hare'e iha fatin barak, hanesan banku ou fatin espesifiku troka moeda (Money Changer)

#2. Funsaun Daruak maka proteja valor ou jeralmente temi ho termu Hedging. Hedging bele dehan mos nudar asaun mak normalmente komersiante forex uza nudar "garantia", ho nune'e valor fundus investimentu la reduzidu ou prejuizu (perda) wainhira komersiante refere hala'o transaksaun fa'an forex iha 2 merkadu forex mak diferente. Iha kazu ne'e papel banku altamente importante tebes, tantu banku rai laran no mos banku estranjeiru nudar garantidores fundus.

#3. Datoluk, Funsaun ikus maka utilizadu nudar Arbitrage. Arbitrage bazikamente maka diferensia valor taxa juro husi 2 moeda mak diferente. No asaun Arbitrage nudar asaun bodik-ba komersiante forex para bele hetan lukru husi diferensia moeda refere. Ho liafuan seluk stratejia komersiante forex kompra moeda mak valor tun iha nasaun ida, no fa'an fila-fali moeda refere iha nasaun seluk mak valor moeda refere a'as.


Perpetrador Forex
Iha merkadu forex sertamente disponivel variu perpetrador mak involvidu no fornese influensia iha merkadu forex laran ou ho termu seluk nudar jogadores iha merkadu refere. Tuir mai 6 jogadores mak fornese influensia iha merkadu forex:

1. Banku
Papel Bank altamente importante iha merkadu forex. Iha kazu ne'e kunyesidu ho termu Merkadu Monetariu Entre Bank (MMEB). Papel MMEB rasik para kumpri kuaze nesesidade tomak husi fa'an / sosa no rotasaun moeda iha negosiu global.

Wainhira banku hala'o funsaun nudar perpetradores forex dalaruma banku hala'o prosesu fa'an-sosa moeda utiliza naran klientes. Entantu karik ho montante bo'ot, transaksaun sei utiliza naran husi banku refere.

Broker forex mos utiliza MMEB rasik para hetan rendimentu wainhira vendedores forex no kompradores forex hasoru malu diretamente. Husi ne'eba broker forex bele hetan rendimentu mak la uituan. Entantu atualmente, sistema mak utilizadu MMEB dezenvolvidu ona ho sistema eletroniku mak efetivu liu no efisiente.

2. Nesesidades Negosiu
Perpetrador merkadu forex daruak maka nesesidade kompania ou emprezariu wainhira hala'o transaksaun pagamentu ho utiliza moeda estranjeiru. Bazikamente iha mundu negosiu dalaruma presija fundus ho formatu moeda estranjeiru wainhira hala'o transaksaun, entantu ne'e la fornese influensia direta no la sinti iha sirkunstansia moeda ida.

Maibe diferente nia rezultadu karik mak hala'o ne'e kompania bo'ot hanesan korporativa. Iha ne'e disponivel influensia bo'ot no la bele imprevisivel karik sira hala'o asaun liberasaun moeda estrajeiru ho montante bo'ot. Wainhira sira libera moeda estrajeiru refere, merkadu ou espekuladores susar ou imprevisivel diretamente. Konsekuentemente, valor husi moeda mos bele sa'e ou bele mos tun.

3. Banku Sentral
Papel banku sentral iha ne'e nudar kontrolador fornesimentu monetariu (osan), inflasaun, no mos saida mak relasionadu ho taxa juru. Ho nia papel mak altamente importante, Banku Sentral bele mos fornese influensia ho fasil dezenvolvimento merkadu forex.

Ida husi vantajen Banku Sentral kada nasaun maka somente kria deit intervensaun bele ona halo flutuasaun ba sirkunstansia merkadu forex. Ne'e kauzadu tamba ezisti prekupasaun ho asaun Banku Sentral mak bele hasa'e ou hatun taxa juru moeda.

4. Kompania Jestaun Investementus
Jeralmente Kompania Jestaun Investementus mak halimar iha merkadu forex la kompletamente hala'o negosiu ne'e nudar fontes prinsipal rendimentu. Kompania refere mos nudar korpu mak ordinariu jere variu fundus hanesan fundus pensaun ou fundus doasaun husi fundasaun. Fundus tomak mak sira uza iha merkadu forex dalaruma somente para aumenta rendimentu adisional deit bodik-ba kompania refere.

5. Hedge funds
Perpetrador merkadu forex seluktan maka Hedge funds. Hedge funds maka kompania ida mak foka halimar iha merkadu forex nudar spekuladores. Fundus mak sira husik nudar osan mak realmente utilizadu iha merkadu forex, la iha razaun seluk bodik-ba sira ekseptu bele hetan lukru mak bo'ot husi atividades refere.

Hedge funds mos disponivel abilidade para bele influensia valor moeda diak liu husi Banku Sentral. Karik buat ne'e akontese altamente difisil valor moeda la'o ho diak tamba lokalizadu ona iha sub kontrola korporasaun mak orientadu ba lukru deit.

6. Koretor / Broker Forex
Perpetrador merkadu forex ikus maka koretor / broker forex. Bazikamente koretor / broker forex bele nudar individual, grupu ou kompania mak hala'o serbisu para fasilita klientes / kompradores ho vendedores moeda estranjeiru.

Ezistensia koretor / broker forex altamente ajuda tebes bodik-ba perpetradores negosiu forex ou normalmente temi ho naran forex trading. Maibe tenki kuidade, tamba barak mos kompania koretor forex mak la responsavel ou falsu mak bele prejudika klientes iha negosiu forex.

Tuesday, February 13, 2018

Kompetisaun Game Arena of Valor Husi TELKOMCEL



Para harame selebrasaun lansamentu teknolojia rede 4G LTE husi operadora telekomunikasaun TELKOMCEL iha Timor-Plaza, loron Sabadu, 24 Fevereiru 2018. TELKOMCEL serbisu hamutuk ho Females Love Information Technology (FEELIT) no hetan apoiu husi Fundasaun Dezenvolvimento Software Livre (FDSL) sei realiza fali kompetisaun game Arena of Valor (AoV) ho tipu jogu 1 kontra 1 (1 VS 1). Oportunidade diak bodik-ba gamers Arena of Valor Timor-Leste iha ne’ebe deit, imi bele mai partisipa iha kompetisaun refere no hetan premiu furak husi TELKOMCEL.

Informasaun loron no data kompetisaun Arena of Valor bele hare'e iha kraik ne'e:

  • BRIEFING sei hala'o iha edifisiu FDSL, Loron Sabadu, 17 Fevereiru 2018, Oras tuku 15:00 OTL to'o tuku 17:00 OTL.

  • Etapa ELIMINASAUN iha edifisiu FDSL, Loron Domingo, 18 Fevereiru 2018, Oras tuku 09:00 OTL to'o tuku 17:00 OTL.

  • Etapa SEMI-FINAL & FINAL iha Timor Plaza, Loron Sabadu, 24 Fevereiru 2018, Oras tuku 15:00 OTL to'o tuku 18:00 OTL.
Rejistrasaun kompetisaun game Arena of Valor gratuita. Formulariu rejistrasaun, kriteria no regulamentu kompetisaun  bele download iha link kraik ne'e.

DOWNLOAD

Saturday, February 10, 2018

Maneira Kria Account Arena Of Valor (AOV) Uza Account Facebook


Bodik-ba leitores tomak mak hakarak hatene maneira kria account game Arena of Valor (AoV), oportunidade ne'e elovia.biz sei esplika maneira fasil oinsa kria account AOV atraves dispotivu telemovel Android utiliza account Facebook.

Notas:
Artiklu ne'e la esplika maneira oinsa rejistu account Facebook, ne'e signifika Ita-Boot tenki ona rejistradu nudar utilizador Facebook.

Maneira rejistrasaun account AOV hanesan tuir mai ne'e:
  • Loke aplikasaun game Arena of Valor iha telemovel.


  • Iha janela login prinsipal AOV, hili butaun "Facebook".


  • Kuandu mosu janela Facebook, login utiliza username no password Facebook mak ezisti ona ou rejistradu ona.


  • Depois mosu janela notifikasaun hanesan ilustrasaun iha kraik ne'e, kontinua klik deit butaun "Lanjutkan".


  • To'o iha etapa ne'e signifika ita bele ona halimar game AOV utiliza account Facebook. Klik deit butaun "Mulai".


  • Ense username foun apropriadu ho nesesidade, no kontinua klik ba butaun "OK".


  • Hili kategoria nivel abilidade apropriadu ho saida mak ita bele. Karik foin halimar game AOV, hili deit kategoria "Pemula". Depois determina ona nivel abilidade, klik deit butaun "OK".


  • Karik mosu janela hanesan ezemplu iha kraik ne'e, signifika ita susesu ona rejistu nudar membru game Arena of Valor utiliza account Facebook. Agora ita bele ona pratika halimar game Arena of Valor apropriadu ho instrusaun.

Fasil ka lae maneira rejistrasaun nudar utilizador game Arena of Valor utiliza account Facebook?

Karik seidauk komprende ou konfundi ho saida mak Autores hato'o iha artiklu ne'e, bele hakerek pergunta atraves koluna komentariu iha kraik ne'e.

Obrigadu...

Saturday, January 27, 2018

Aprende Konaba Tipu Web Hosting

Jeralmente, disponivel 4 tipu web hosting mak presija ita hatene, tipu-tipu web hosting refere maka Shared Hosting, Virtual Private Server (VPS), Dedicated Server Hosting no Cloud Hosting. Kada tipu web hosting mai ho espesifikasaun no funsionalidades mak diferente, hahu husi presu, kuantidade espasu armazenamentu dadus, nivel seguransa, velosidade servidor no konfiabilidade, to'o funsaun kontrola servidor.

Le'e Mos :
  • Infromasaun Baziku Konaba Domain & Web Hosting klik ne'e
  • Provedores Web Hosting Konfiavel Iha Timor-Leste klik ne'e

Shared Hosting
Shared Hosting nudar tipu web hosting mak normalmente oferesidu ho presu baratu maibe ho funsionalidades mak limitadu.

Temi ho naran shared hosting, tamba fiziku servidor 1 utilizadu hamutuk (shared). Utilizador iha servidor 1 ne'e bele ho kuantidade nulu, atus, to'o rihun utilizador. No utilizador tomak sei utiliza rekursu servidor hanesan CPU no Memory hamutuk. Tamba servidor 1 utilizadu hamutuk, presu aluga mos asesivel.

Ho presu mak baratu, naturalmente ita mos konfrontadu ho problema prinsipal iha shared hosting, karik ida husi utilizador utiliza CPU servidor eksesivu, website tomak husi utilizador seluk iha servidor ida refere afeitadu mos. Solusaun bodik-ba problema ne'e, jeralmente provedores web hosting limita ona utilizasaun rekursu servidor kada utilizador.

Shared Hosting adekuadu bodik-ba ita mak foin komesa hari'i sitiu ou website hanesan blog pesoal, loja online no website ho kuantidade vizitante mak ladun barak kada fulan. Maibe Karik loron ruma vizitante sitiu ou website aumenta barak, ita bele husu ba provedores hosting para Upgrade ba tipu mak ho espesifikasaun altu liu hanesan VPS ou Dedicated Server.

Virtual Private Server (VPS)
VPS similariu ho shared hosting, fiziku servidor 1 utilizadu hamutuk. Maibe mak halo diferente kuantidade utilizador restritu no mos karik utiliza VPS rekursu servidor bo'ot liu, tantu CPU, RAM, espasu disku no mos bandwidth.

Utiliza VPS ita hanesan utiliza servidor ida rasik, tamba alokasaun rekursu CPU no RAM servidor sertu liu. Ho termu tekniku, alokasaun ne'e kunyesidu ho naran Virtualizasaun (diferente ho konseitu shared iha shared hosting).

Alende ne'e mos, ita bele kontrola total servidor,  no mos ita livre karik hakarak instala aplikasaun ou software saida deit sem prekupa utilizador seluk kona impaktu husi instalasaun software refere.

Karik vizitantes website ou sitiu atinji ona rihun vizitante kada loron,  Virtual Private Server adekuadu liu. Ho benefisiu mak kuaze similariu ho dedicated server hosting maibe ho presu mak asesivel no atuasaun diak liu komparadu ho shared hosting.

Dedicated Server Hosting
Dedicated Server Hosting nudar tipu hosting mak oferese servidor ida spesial bodik-ba utilizador ida. Ho nune'e, rekursu tomak servidor refere tantu CPU, RAM, no seluktan pertense ema ida no la fahe ho se'e deit.

Ho dedicated server hosting, ita bele kontrola total servidor no bele mos kontrola atividades tomak mak akontese iha servidor laran. Rekursu tomak husi servidor refere bele konfiguradu apropriadu ho nesesariu.

Tipu hosting ne'e adekuadu bodik-ba atividades trafiku dadus mak bo'ot, no mos bodik-ba sitiu ou website mak atende informasaun ou dadus-dadus privadu mak altamente sensitivu hanesan sitiu kompania, universidade, website negosiu online ou sitiu governu.

Barak benefisiu mak oferesidu husi dedicated server hosting refere, maibe presu aluga mos relativu karun liu husi shared hosting no VPS. Alende presu karun, abilidade no kunyesementu konaba tekniku mos altamente nesesariu.

Cloud Hosting
Ho dezenvolvimentu teknolojia cloud atualmente, mosu tipu web hosting foun hanesan cloud hosting. Iha tipu hosting ne'e, variu servidor (bele to'o rihun) mak interligadu no fornese funsaun komputasaun kombinadu. Ho nune'e, teknolojia Cloud Hosting permiti rekursu mak ilimitadu (Unlimited Bandwidth), no garantia website ho trafiku mak altamente bo'ot bele estavel nafatin.

Diferente ho tipu hosting hanesan shared hosting, VPS no dedicated server mak somente utiliza servidor ida deit. Karik servidor avaria, mate, ou problema seluktan mak halo servidor la la'o, website mak armazenadu iha servidor laran refere mos sei kona impaktu no la bele asesadu.

Maibe ho cloud hosting, wainhira akontese problema iha servidor, website mak armazenadu iha servidor refere sei trasnferidu / muda ba fali servidor seluk mak online ona. Ho nune'e, website bele asesadu kontinuamente no nungka offline.

Nudar tipu hosting mak relativu foun, seidauk barak provedores web hosting oferese tipu atendementu ne'e.

Managed & Unmanaged Server
Manage Server no Unmanaged Server normalmente enkontradu iha VPS no Dedicated Server.

Managed Server nudar servidor hosting mak suportadu diretamente husi ekipa tekniku provedores web hosting, tantu apoiu fornese informasaun no sujestaun sobre software mak utilizadu no mos apoiu bodik-ba rezolve variu problema mak bele akontese iha servidor hosting refere. Ho nune'e, ita la presija prekupa ou ulun moras ho kestaun tekniku iha servidor laran, maibe ita somente foka ba prosesamentu website deit. Presu managed server ne'e karun liu komparadu ho unmanaged server. Tamba servidor web resposavel husi provedores hosting, ho nune'e, presu managed server ne'e karun liu duke unmanaged server.

Unmanaged Server nudar servidor hosting mak ita rasik jere inklui instala aplikasaun mak nesesariu hanesan web server, cpanel, no seluktan. Alende instala aplikasaun, ita rasik mos mak rezolve problema software karik akontese iha servidor hosting refere. Provedores web hosting normalmente somente responsavel iha aspeitu fiziku hanesan eletrisidade no rede (network). Tamba la presija apoiu husi provedores web hosting, unmanaged server bele alugadu ho folin mak baratu liu komparadu ho managed server, maibe abilidade no kunyesementu kekniku konaba servidor hosting altamente nesesariu.

Colocation Server
Colocation Server maka tipu server ho fiziku dispotivu pertense (na'in) mak utilizador / kompania maibe kolokadu iha data center provedores web hosting. Apoiu husi provedores web hosting somente fornese deit eletrisidade no rede (network).

Kustu kada fulan Colocation Server normalmente la depende husi espesifikasaun servidor mak utilizadu tamba utilizador somente selu fatin aluga iha Data Center deit. Utilizasaun servidor ho espesifikasaun minimu ou sofistikadu la afeita kustu mensal.

Maibe wainhira utiliza colocation server, utilizador tenki responsavel rasik ho problema mak akontese iha dispotivu servidor refere.



To'o ne'e deit artiklu "Aprende Konaba Tipu Web Hosting" husi Autores, esperadu artiklu ne'e bele utilizadu nudar referensia estuda bodik-ba se'e deit mak hakarak hatene konaba mundu web hosting.

Obrigadu!

Artiklu ne'e resultadu koperasaun entre elovia.biz ho kalohan.net. Hetan diskontu adisional 10% karik kompra pakote hosting iha https://members.kalohan.net utiliza kodigu promo: "elovia.biz"